جزيرة ابومنقار بالصور

جزيرة ابومنقار بالصور
جزيرة ابومنقار
أنتوا عارفين لسه فى أماكن فى مصر أد أيه محدش يعرف عنها حاجة خالص
اللى بننزلة ده ولا ربع اللى موجود فى بلدنا
تقع جزيرة أبو منقار امام شواطئ الغردقه وهي امتداد لجزيرة الجفتون
الجزيرة مفيش ضغط عليها خالص احنا كنا لوحدنا عالجزيرة وكان فيه بوت او اتنين بعدنا فهتحسو بالخصوصية 






طريقة الذهاب ايجار قارب خاص وبيكون فحدود ٩٠٠ ل ١٠٠٠ جنيه يعني احنا كنا ٣ اسر كل اسرة دفعت ٣٠٠ جنيه
الرحلة بتبتدي الساعه ٨.٣٠ صباحا بننطلق وبنوصل للجزيرة بعد ٤٥ دقيقه
الجزيرة فيها شاطئ رمله بيضا رائع جدا ولسان رمله بيمتد لجزيرة الجفتون
وفيها شاطئ تاني ملئ بالقواقع البحرية وكمان فيها بحيرة داخل الجزيرة وحوليها اشجار المنغاروف اللى بتطلع فالمياه المالحه وكمان مليانه بطيور النورس ... مياه البحر هناك فيها حاجه جميله جدا الميه من تحت عند رجليك بتكون ساقعه جدا ومن فوق دافيه جدا سبحان الله ممكن تقضو اليوم كله عالجزيرة لحد الساعه ٤ العصر وممكن تمشو بدري وتعملو سنوركلنج حولين الجزيره
بوت محترم جدا وظريف ومتنسوش تاخدو الاكل والمشروبات
تجربة وتصوير : Fat'hy Makhlouf

إرسال تعليق