أماكن فسح وخروجات الأطفال فى مصر بالصور

أماكن فسح وخروجات الأطفال فى مصر بالصور
المكان اللى كل أم وأب بيدورا علية
يعنى اللى عاوزة أبنها يلعب أدامها مش لازم تسيبة فى كيدز أريا بعيد وتقعد مع صحابتها فى مكان تانى وكل شوية تقوم تشوفهم هتلاقيه فى المكان دة
أولادكم بيلعبوا فى مكان مفتوح وكل دة تحت عنيكم
عارفين بيبقى فى أسئلة تقليدية كدة موجودة عندنا فى الرسائل ومكررة يوميا والسؤال دة من أكترهم
يعنى بمعنى مختصر دة كيدز أريا وطلعلها مطعم وكافية والأهم فى المكان كلة هو الطفل





الميزة فى المكان كمان أن الطفل مش مقيد بوقت ولا بيحاسبوكم بالساعة زى معظم الاماكن اللى بتبالغ فى الموضوع دة
لأ الطفل هنا ب 65 جنية واى وقت وكمان دخول الأب والام مجانا او اى فردين يعنى ممكن انتى وصاحبتك كمان و تقعدوا براحتكم خالص تطلبوا الاكل والشرب وانتوا قاعدين وتتكلموا براحتكم من غير قلق ..
اللى لاحظناه واحنا هناك ان كل أب وام بياخدوا اولادهم بعد اليوم الدراسى ويودوهم هناك
وفى كمان ميزة حلوة أوى أنت لو عاوز تعمل عيد ميلادك أبنك هناك أنت قولهم بس على اليوم وملكش دعوة بأى حاجة تانى هما هيعملوا حاجة تشرف وفعلا هتبسط كل الاطفال واهاليهم اللى بيدعوهم
** المكان مثالى كمان لرحلات الحضانات والمدارس
المواعيد يوميا من 12 ظهرا وحتى 10 مساء
بصراحة مكان بيهتم بالطفل وفعلا مكان أكتشاف فى أرقى مناطق المعادى وشكرا للى رشحة لينا كتجربة
العنوان : 3a شارع 213 متفرع من ميدان فيكتوريا-دجلة-المعادى
التليفون للحجز والأستفسار : 01001386630 – 01003638600--01012607713

إرسال تعليق