أشهر مطاعم الكوارع فى مصر بالصور

أشهر مطاعم الكوارع فى مصر بالصور
ده أحلي طبق كوارع في مصر.. مكان بسيط قوي في شارع الازهر من العتبة اسمه #فرحات مالوش علاقة بفرحات بتاع الحمام خالص.
الكوارع هناك طرية بشكل مش مفهوم، الطبق فيه كوارع مخلية وحتة بالعضم، وشوربة الكوارع فيها لسان عصفور وشوية نخاع فحاجه مش مفهومة في الجمال الشوربة طعمها وهمي وتقيلة، بس عامةً أنا بحب الشوربة المتموّنة زي مابيقولوا طبق مثالي بمعني الكلمة.





الفتة هناك بتتعمل باللية فتقل السنين بس بالنسبالي مثالية
الممبار عنده بقي محمر من بره وطري خالص من جوه، وجربت طبق مشكل محمر كان كويس بس لحمة الراس هناك هي اللي ظريفة جداً.. وعنده كرشة بالدمعة بس مجربتهاش..
دفعت في الليلة دي ٨٠ جنية تقريباً حاجه كده..
بيخلص علي الساعة ٧ المغرب كده وبيقفل يوم الحد
#مكانه في ش الازهر من ناحيه العتبة عند رجب العطار، هتلاقي سلم اطلعه وامشي شمال هتلاقيه علي اليمين
تقييم وتصوير: إسلام سلامة

إرسال تعليق