حل مشاكل تطبيق سناب شات Snapchat على أندرويد وعلاج جودة الصور

حل مشاكل تطبيق سناب شات Snapchat على أندرويد وعلاج جودة الصور

تطبيق سناب شات على أندرويد سيئ وبالتحديد لما تيجي تصور صور من خلاله بتكون جودة الصور قليلة جداً مقارنة بآيفون على الرغم أن في أجهزة أندرويد كتير الكاميرا بتاعتها أفضل من كاميرا آيفون
ولكن السبب في أن الصور اللي بتتصور على سناب شات لما بتكون بتستخدم جهاز أندرويد سيئة هي أن سناب شات أستسهلت الموضوع وبدل ما تظبط التطبيق بتاعها بقت تخلي التطبيق ياخد سكرين شوت بس من الصورة يعني مش بيصور صورة فعلية لا دي بتكون سكرين شوت من تطبيق الكاميرا بتاع سناب شات



التطبيق نفسه هو اللي في المشكلة ومكنش في اهتمام بيه على اندرويد ودي حاجة قالها الرئيس التنفيذي للشركة وقال هيكون في اهتمام بيه لان مستخدمين التطبيق على اندرويد اكتر من مستخدميه على iOS وقال انهم هيبنوا نسخة جديدة تماماً من الصفر على اندرويد

نقطة اللاج مع التطبيق انا ما شوفتهاش الحقيقة في Pixel من وقت ما جبته ولا في OnePlus 5 ولكن الصور فعلاً بتكون سيئة مقارنة بـ iOS

سناب شات أمبارح أعلنت عن تصميم جديد لتطبيقها على أندرويد و iOS وهيوصل لكل المستخدمين تدريجياً ولكن مازالت نقطة السكرين شوت مستمرة في النسخة الجديدة دي بالنسبة لمستخدمين أندرويد وكانت الشركة وعدت من فترة قريبة إنها هتبني التطبيق بتاعها من جديد لنظام أندرويد وهتحسنه
سناب شات فعلاً عدلت التطبيق بتاعها على أندرويد بس مش لكل الأجهزة ده لعدد قليل جداً من الأجهزة ونقدر نقول إنه جهاز واحد بس هو جهاز جوجل Pixel 2 وطبعاً Pixel 2 XL ومع الجهازين دول بيتم فعلاً إلتقاط صورة من تطبيق الكاميرا جوه سناب شات زي آيفون أما بالنسبة لباقي أجهزة أندرويد فمازال الأمر زي ما هو سكرين شوت بتتاخد من الصورة اللي أنتا عايز تصورها مش صورة فعلية

إرسال تعليق