عطل راوتر TEData ماركة هواوي Hg532n بسبب ثغرة في Firmware

عطل راوتر TEData ماركة هواوي Hg532n بسبب ثغرة في Firmware
بعد البوست بتاعي على الجروب ده اللي فضحت فيه تلف راوترات TEData ماركة هواوي Hg532n بسبب ثغرة في Firmware بتاعها، بعد ما كانت شركة TEData سيئة السمعة بتبيع يداله للعملاء وتكسب منهم مع إن المشكلة كانت بينها وبين شركة هواوي وكانوا مكتمين على الحقيقة وعاملينها سبوبة وفعلا باعوه لعدد كبير من المواطنين. 
النهارده جاتلي أخبار وصور من أكثر من مدينة إن TEData سيئة السمعة إضطرت تبدله مجانا للعملاء بعد الفضيحة على السوشيال ميديا، لكن برضه حطت اللمسة المعفنة بتاعتها وبتبدله بدون أي مشتملات بدون أدابتور ولا إسبلتر، أغلى وأسوأ محتكرإنترنت في العالم. بتكسب مليارات يوميا، لكن بتسحب الادبتور والاسبلتر من العملاء.. مثال للنصب والحدائة والفهلوة والتحايل على حقوق العملاء.
وزي ما احنا شايفين في الصور الطوابير والزحمة من داخل السنترالات لغاية الشارع بره نتيجة ان شركة واحدة فاسدة محتكرة الخدمة في دولة بأكملها، وبتتعامل مع مدن بأكملها من خلال سنترالات خطوط التليفون الأرضي اللي إحتلتها بالدراع ، ما هانش عليهم يعملوا مقارخاصة بيهم والنتيجة واضحة في الصور والشعب مغلوب على أمره.
وحاليا يتم الآن رفع دعوى قضائية كبرى ضد الخرابة دي لإجبارها على دفع تعويضات كبيرة لجميع العملاء الذين تضرروا من هذه الأجهزة الرديئة ومن إحتكارها للانترنت. الموضوع مش موضوع راوتر من غير ادابتور فقط.
ولا شكرعلى واجب. وياريته واجب كامل. ده راوتر من غيرادابتور ولا اسبلتر كإننا بنشحت منهم.




إرسال تعليق