حجز المنطاد فى الأقصر تعرف على الاسعار وتفاصيل الرحلة بالصور

حجز المنطاد فى الأقصر تعرف على الاسعار وتفاصيل الرحلة بالصور
حجز البالون فى الأقصر تعرف على الاسعار وتفاصيل الرحلة بالصور
أما المنطاد بقى أفضل وقت تطلع فيه الرحلة دى وقت الفجر دة وقت مثالى وجامد جدا لأقصى درجة ..يعنى فعلا تستحق
البداية أنك بتكون متفق مع شركة سياحة او حتى راجل صاحب حنطور ( ودى الطريقة الأرخص شوية ) وهو يوصلك لغاية المكان.... بيجي يخدوك من فندقك وبعدين تعدي بموتور وتشرب شاي ونسكافيه ببلاش وبعدين تنزل من الموتور تركب العربيه لحد الموقع اقل من ١٠ دقايق ..حتتصورو وبعدين تطلع الرحله والرحله من ٤٥ ل ٦٠ دقيقه ... 


مغامرة البالون مفيش زيها ممتعه وتستاهل انك تجمد قلبك
المغامرة دي بتبدا من الساعه 5 الفجر طبعا لازم نبقى محصنين نفسنا من البرد نلبس الدولاب كله لاننا هنطير فوق السحاب ل1500 قدم تقريبا انت متخيلين السقعه ( مع أنك فى الاقصر بس هتبقى تلج ) وغيرانك هتشوف الاقصر من الارتفاع دة وهتشوف معاها الاثار والتاريخ والخضرة مجتمعين مع بعض بجد مش عارف اوصف اللي انا شوفته بس اللي انا عارفه انكم هتتبسطو وهتتمتعو لوحظك بقى وانت نازل من البالون وقت الشروق الله على الجمال حاجة كدة خيال والمنظر ده هيفضل فى ذاكرتك طول حياتك
نجي بقى للاسعار بتدا من 850 الى 1350 للفرد الواحد وفي معادين وقت الشروق وبعد الشروق والاسعار بتختلف على حسب شكل وحجم البالون
ملحوظه: البنات اللي هتروح تلبس بنطلون عشان الهوا طبعا

إرسال تعليق