الهجرة إلى البوسنة - كل المعلومات التى تحتاجها

الهجرة إلى البوسنة - كل المعلومات التى تحتاجها
كتير مننا عايز يسافر بحثا عن حياة أفضل، و أول ما تيجي كلمة سفر أو هجرة بيجي ف بالنا الحلم الأوروبي.
موضوعي إنهاردة عن دولة مختلفة تماما و هي البوسنة!
البوسنة هي احدى دول شرق القارة الأوروبية ال بتشهد في الفترة الأخيرة نمو اقتصادي و حضاري غير عادي و كمان من الدول المرشحة بقوة للدخول ضمن الاتحاد الأوروبي. 


حدودها هي الجبل الأسود و صربيا و كرواتيا و البحر المتوسط.
البوسنة بتديلك حق الإقامة في حالة الإستثمار, انت هتاخد إقامة 5 سنين تجدد سنويا و بعدها إقامة دائمه و بعد الإقامة الدائمة ب 3 سنين تقدم على الجنسية.
- إزاي أهاجر للبوسنة؟
مبدأيا كدا مفيش حاجة اسمها الهجرة إلى البوسنة مفيش برنامج هجرة مشروط و ليه عدد نقاط و ايلتس و معادلة شهادات، الموضوع بإختصار شديد إنك بتبدأ مشوارك بالسفر لزيارة البلد و تبدأ تشوف الوضع على الطبيعة و من قبل ما تسافر هتبقى مجمع معلومات عنها و عن الاستثمار فيها و المشاريع المقترحة بالنسبالك, تعمل مقارنة بين المعلومات اللي جمعتها و الحقائق على ارض الواقع و تشوف مدى قابلية تنفيذ فكرتك و مشروعك.
لو خلاص قررت تبدأ مشروعك بتوكل شركة بتقوم هي بمهمة تأسيس شركتك و بتاخد وقت حوالي 4 شهور و في الفترة دي حضرتك بتبقى في بلدك و بعد التأسيس بتقدر تاخد تاشيرتك كمستثمر ثم اقامتك.
و دا فعليا ال حصل معايا عشان أجي البوسنة و أفتح شركتي و مجالها هو السياحة و الإستشارات.
جدير بالذكر انك في البوسنة تقدر تاخد فيزا شنجن أسهل و بعربيتك 7 ساعات تبقى في ألمانيا أو إيطاليا أو النمسا لأنك باختصار انت داخل القارة الأوروبية.
البلد هنا مميزة بعدة نشاطات بالنشاط السياحي و الزراعي و تجارة الأخشاب و الاستيراد و التصدير.
لو حد حابب يسأل عن أي حاجة يتفضل و أنا هجاوب بس محدش يسألني عن الجواز 

إرسال تعليق