النوبة وكل ما تريد معرفتة عن بلاد وقرى النوبة بالصور

النوبة وكل ما تريد معرفتة عن بلاد وقرى النوبة بالصور
المقالة المطلوبة في تعريف بلاد النوبة
بادئ ذي بدء عايزين نلفت انتباه السادة القراء ان اللي بتزوروه في محافظة اسوان جزء صغير جدا من بلاد النوبة
اولا النوبة قديما كانت تمتد من الدبة ( بضم الدال ) شمالا اللي هي اسنا حاليا لغاية الدبة جنوبا اللي هي الشلال الرابع في السودان و كانت مملكة مستقلة لها حكامها و حضارتها لغاية لما جه الملك رمسيس و اتزوج من بنت ملك النوبة و انضمت المملكتين لغاية العام 1953 لما انفصلت مصر عن السودان









ثانيا النوبة الحديثة تتكون من 44 قرية تنقسم اللهجة بينهم بين الكنزي و الفادجا او الفادكا و من ضمن ال 44 قرية دول فيه منهم تقريبا قريتين بس اللي موجودين في موقعهم من ايام قبل التهجير اللي هم غرب سهيل ( اللي فيها البيوت الملونة اللي ع النيل ) و غرب اسوان ( اللي فيها مقابل النبلاء او ابو الهوا )
الناس اللي بتسافر اسوان بالقطار هتلاقو القطار بيقف في محطة اسمها ( كلابشة ) و دا المركز الاول للقرى النوبية و فيه تقريبا 21 قرية نفوت بقى محطة كوم امبو و دراو هيقف بينا القطار في محطة بلانة و المركز دا فيه تقريبا 10 قرى تانين و باقي القرى موجودة في مركز بعيد عن الطريق العام اسمه مركز نصر النوبة و بيضم باقي القرى.
نتكلم بقى عن الجزء المهم اللي الكل منتظره اروح فين لما ازور اسوان ؟
هنسرد هنا كل المزارات اللي ممكن نزورها في اسوان من الشمال للجنوب
1- معبد حورس في ادفو
2- معبد جبل السلسلة
3- معبد كوم أمبو او معبد التمساح
4- مقابر النبلاء ( أبو الهوا )
5- الجزيرة النباتية
6- قبر الاغا خان
7- القرية النوبية ( غرب سهيل )
8- المحميات النيلية ( غزال - بربر - هيصة )
9- متحف النوبة
10 - متحف النيل
11- البيت النوبي
12 - قرية جبل تقوق
13- المسلة الناقصة
14- معبد فيله
15- خزان أسوان
16- السد العالي و رمز الصداقة
17- معبدي ابو سمبل ( المعبد الكبير لرمسيس و الصغير لزوجته نفرت اري )
18 - جولة في بحيرة ناصر و زيارة معبد كلابشة و معبد الدكة )
19- السوق السياحي
الناس اللي حابة تنزل في بيوت نوبية هتلاقوا الاسعار و التفاصيل موجودة على www.airbnb.com
أفضل طريقة للانتقال في اسوان هي التاكسي و تقدر تتفقوا مع السواق على السعر قبل البداية و ااكد لكم محدش هيطلب منكم زيادة عن الاتفاق و ممكن تأجروا حنطور على الكورنيش و برضوا بالاتفاق
أفضل وقت نزور فيه اسوان بداية من بداية اكتوبر لغاية نص مارس الجو بيكون دافي مع وجود بعض البرودة في الليل
أسوان بلد مش ليلي قوي يعني البلد بتلم على الساعة 10 مع وجود بعض الكافيهات شغالة
فيه 2 سينما في اسوان واحدة في قلب المدينة جنب المحطة و التانية في فندق القوات المسلحة و معاها صالة بولينج
دي شوية صور للاسوان و لقرى النوبة , و اي استفسار انا موجود

إرسال تعليق