كل تفاصيل شراء مدة زائدة للموظف الحكومى لزيادة المعاش

كل تفاصيل شراء مدة زائدة للموظف الحكومى لزيادة المعاش
شراء مدة
موظف وهو بيفضفض مع زميله انه عاوز يشترى مدة علشان لما يطلع معاش يكون معاشه كبير هياخد معاش 80% والبلية هتلعب بقى ده ويعيش شبابه حقك يا سيدى بسي لزام تعرف يعنى ايه شراء مدة ببساطة معناه احتساب مدة فى المعاش و شراء المدة قد يكون فى الاساسى يعنى هتدخل المدة دية حساب المعاش عن الاجر الاساسى او فى الاجر المتغير هتدخل فى احتساب المعاش عن الاجر المتغير او فى المكافاة يعنى هتدخل فى المدة التى يتم حساب المكافأة عليها وانت بتفكر تحدد هتشترى مدة فى أى نظام الأساسى أو المتغير أو المكافأة ونشرح مع بعض كل نظام :-


أولا الشراء فى الأساسى
ومعظم الموظفين أن لم يكن جميعهم يشتروا فى هذا النظام وهو احتساب مدة فى ضمن المدد التى يتم احتساب المعاش عن الأجر الأساسى سنة اثنين خمسة انت وقرارك بقى بسي لازم تعرف شروط الشراء فى النظام ده
1-ان تكون بعد بلوغ 18 سنة
2-ان تكون سنوات كاملة
مش ينفع اشترى سنة وشهرين أو خمس سنوات ونص يعنى تشترى سنة كاملة أم بلاش
3_ لا تتجاوز مدة الاشتراك الفعلية
يعنى انت شغال من سنتين مش ينفع تروح تشترى أربع سنوات لو عاوز تشترى آخرك تشترى سنتين والكلام ده للناس اشترت أو هتشترى بعد 2014
4_ان تكون سابقة عن مدة الاشتراك الأخيرة
يعنى هتشترى هتحسب مدة سابقة مثال انت شغال فى 2010 وقدمت طلب الشراء فى1/8/ 2018 بشراء 5 سنوات هتحسب قبل 2010 مش بعد كدا
ثانيا بالنسبة لنظام الشراء فى المتغير والمكافاة
بالإضافة للشروط سالفة الذكر هناك شرط آخر وهو لاتتجاوز المدة فى المتغير والمكافاة بعد الشراء عن المدة فى الأساسى يعنى سيادتك عندك اتعينت فى 2010 وعايز تشترى فى المتغير والمكافاة مدة خدمتك 8 سنوات فى الأساسى والمتغير والمكافاة فلو اشتريت سنة او اكتر فى المتغير أو المكافأة مش هينفع لأن هتكون أكبر من مدة الأساسى ويجوز تشترى سنة أو اكتر فى الاساسى ونفس المدة فى المتغير والمكافاة
الأسانيد القانونية
المادة 34 من قانون 79 لسنة 1975 وتعديلاته
قانون 120 لسنة 2014
محمود حسن

إرسال تعليق