تجربتى عن أول زيارة ليا فى مصر

تجربتى عن أول زيارة ليا فى مصر
بسم الله الرحمن الرحيم و اول تجربتين ليا ف مصر ...وصلت اول امبارح ف مصر لطيران خدماتها جميلة من حيث وزن الشنط و من حيث المعاملة جوة الطيارة ...اثناء الهبوط حصلت مطبات بسبب الشبورة و ابتدينا نشهد ف قلت بركااااتك يا مصر ...الطريق زحمة زحمة زحمة ....اول تجربة : تاني يوم اللي هو امبارح رحت الاهرامات دفعت 10 جنيه عشان اخش محدش طلب مني بطاقة و لا بسبور و لا دفعت 200 جنيه عشان انا اجنبية دخلت و ركبت الكاريتة ب 50 جنيه و تصورت و انا بمسك هرم خوفو وانا ساندة عليه كمان 



...تاني تجربة: اوبر و كريم الساعة 3 بالليل جم تحت البيت عملت فيها ذكية و حويطة صورت ارقام العربيات و فتحت اللوك من زرار العربية تحت عشان ميعرفش يقفل عليا الباب وصلت و عادي محصلش حاجة 🤔
رايحة الغردقة هقعد فيها 5 ايام و راجعة القاهرة يوم 31 هكمل تجربتي فيها بس عايزة مساعدتكم الاماكن اللي ممكن ازورها و كمان حابة اشتري تذكارات اهرامات و تماثيل صغيرة و فضة عليها اسمي بالفرعوني ناس نصحوني مجبش من خان الخليلي عشان غالي عندكم اي افكار اجبهم منين و بسعر اقل؟؟ كمان عايزة اجيب طرح و بندنات 😁😁
و اخيرا انا هرجع تاني و هكمل معاكم تجربتي ف مصر للاول مرة

إرسال تعليق