أفضل أماكن دهب جنوب سيناء واسعار البلو هول بالصور

أفضل أماكن دهب جنوب سيناء واسعار البلو هول بالصور
أفضل أماكن دهب جنوب سيناء واسعار البلو هول بالصور كل اللي اقدر أقوله مصر حاجه و دهب حاجه تانيه 
المعني الحقيقي لكل واحد في حاله
الناس هناك هتضحك في وشك بس🤗
مفيش داوشه ولا زحمه ولا حد بيتدخل في حياتك 
المعني الحقيقي ل أوربا بس في سيناء

جنوب سيناء _ دهب
تحجز في جو باص رحله دهب هتنزل الموقف و من هنا أسئل اي حد الممشي السياحي فين ؟
بالظبط دقيقه ونص ماشي بعد كده في فنادق كتيره جدا
الأسعار في الليله الفرد من ٦٠ جنيه الي ٨٠ جنيه




خلاص عرفنا هنروح ازاي و نسكن ازاي بعد كده تروح علي الممشي السياحي
في كافيه اسمه #TARO_DAHB في مورجيحه البحر وتشغل المزيكا اللي بتحبها و ممكن تغني مفيش مشكله و المشروبات فيه بتبتدي من ١٥ جنيه الي ٥٥ جنيه طلبت بطيخ كبير كان ب ٣٥ جنيه يعني مفيش أرخص من كده
بعد كده في كافيه اسمه #Evrey_Day ده تتصور فيه برحتك حاجه كده زي الصور دي
وانت قاعد في السطح بتشوف حدود السعودية
الاكل بقي في مطاعم فول وطعميه ألاسعار هنا أرخص من الشبراوي
في مطعم اسمه البورسعيدي ده ده بتاع واحده ست بتعمل شويه اكل زي أمي بالظبط والاسعار حاجه فوق الوصف ممكن تاكل طبق كبده +سجق + رز وتدفع ٢٥ جنيه وربع فرخه ورز وشوربه ٣٥ جنيه
خلصنا من الاكل نركز بقي في السياحه 😂
في مكان اسمه #البلو_هول ده بقي مفيش زيه في العالم كله بتركب جمل في اول كأم كيلو كده ..
وتركب عربيه جيب وتقريبا هتشوف زي برنامج رامز كده بس في مصر وبعد كده تنزل تعمل#دايفينج الجمل ٢٥ جنيه والعربيه ٣٥ وأدوات السباحه ٣٥ جنيه بس كده

إرسال تعليق