كل ما تريد معرفته عن محمية واد رام بالصور

كل ما تريد معرفته عن محمية واد رام بالصور
البوست دا يأتيكم من من إحدي البقاع السحرية علي سطح الكوكب حرفياً و الاهم بقي انه من غير Visa للمصريين 
ال experience مش انك بس هتنام جوه Bubble نصها شفاف علشان تنام وانت شايف النجوم بس لاء
الفكرة نفسها في مكان وجود ال Bubble دي فين!
المكان اللي اعتبره صناع السينما في Hollywood هو اقرب تشبيه لبيئة و تكوين كوكب المريخ ( المكان نفسه بيطلق عليه وادي القمر) بس موجود علي الأرض و اتصور فيه أفلام كتير من أشهرها Lawrence of Arabia و احد اجزاء سلسلة Transformers الشهيرة 






و المفارقة انه كان بيمثل الصحراء المصرية !
و المكان اللي قال عنه Matt Damon عن فيلمه الشهير ال Martian و اللي كان المكان دا بيمثل سطح كوكب المريخ في الفيلم ، قال عنه :
“ I was in awe of that place. It was really, really special. One of the most spectacular and beautiful places I have ever seen, and like nothing I’ve ever seen anywhere else on Earth. “
بنتكلم عن محمية واد رام جنوب المملكة الأردنية 🇯🇴
المكان ممنوع إقامة الفنادق فيه ، بس كامبات و مافيش تقريبا شبكات اتصال ، انت بتنفصل عن العالم و بتتفرج علي جمال الكوكب بعيداً عن رتم الحياة بكل تفاصيلة .
المكان دا بيبعد من ٤ الي ٥ ساعات من العاصمة عمان ، و ساعة واحدة من مدينة العقبة .
ممكن يتراح مباشرة بتاكسي و ده هيتكلف ٩٠ دينار اردني في المتوسط ( الدينار الاردني تقريبا ٢٥ جنية مصري )
او minibus من محطة اتوبيسات اسمها مجمع جنوب أو محطة الوحدات و ده هيتكلف ٨ دينار اردني و هتنزل علي الطريق تاخد تاكسي مشترك لحد بوابات وادي رام ب ٢٥ دينار
او تاخد اتوبيس من شركة JETT Bus من شارع الملك حسين (محطة العبدلي) ب ١٠ دينار لمدينة العقبة
و بعد كده تاخد تاكسي لوادي رام ب ٣٠ دينار
دخول وادي رام نفسه ب ٥ دينار
و هناك هتتصل او هيكون في انتظارك حد من الكامب اللي انت حجزت فيه علشان يبدأ ياخدك في رحلة بال Jeep علشان تشوف اهم الأماكن جوه المحمية و اللي هي:
– Lawrence Spring
– Khasali Canyon (with ancient 2000-year-old Nabatean inscriptions)
– Um Fruth rock bridge
– Lawrence’s house
– the Red Sand Dune
المكان دا موجه اكتر للناس اللي بتحب في سفرها فكرة ال anti mainstream places
اللي يهمها الexperince اكتر من اسم البلد نفسه
و اكيد اللي بيحب جو ال camping هتبقي تجربة عظيمة بكل المقاييس

إرسال تعليق