معلومات مهمه قبل ما تطلع جبل موسى سانت كاترين

معلومات مهمه قبل ما تطلع جبل موسى سانت كاترين
بص هيا عمتا من امتع حاجة بتعملها في حياتك بس اولا محدش بيطلع جبل كاترين بيطلعوا جبل موسي اقرا قصة الجبل لانك هتحس بروحنيات و انت طالع الجبل و في هناك على مدار 7 كيلو و نص 13 ريست اشرب شاي بالحبأ هيدفيك جدا جدا استريح 3 دقايق بالكتير و اطلع علي مهللك و متتكلمش و انت طالع و زبط نفسك طول الطريق لغاية ما توصل فوق استغطي بالبطاطين عقبال الشروق اخرك فوق 6 و نص علشان تلحق تنزل و خش الدير هتلاقي دير سانت كاترين فيه الشجرة المعلقة و بئر موسي و كذا حاجة جوا. 
اللبس بقي البس صح و بالترتيب علشان تاخد اكبر قدر من الدفئ و بلاش هدوم كتير خد المستلزمات بس علشان ميبقاش حمل عليك. و عمتا يعني الطريق ممهد جدا و واضح قدامك متخفش من حاجة و خلي معاك جزمة مريحة جدا و بلح و شيكولاتات 




أنا طلعت من ٤ سنين مع جروب والحمد لله إللي حسبته لاقيته وباقي الجروب صادفته معاناه بسبب كام نقطه هقولهالك :
_فكك من إللي بيقولك البس كوتشي لأن الارض صخريه وحصي كتير وده هتحس بيه مع كل حاجه بتدوس عليها لو إنت لابس كوتشي ف أحسن لك البس سيفتي و يستحسن لو 
كانت ليه رقبه علشان متلاقيش الحصي بينط جوا الجزمه فهتلاقي نفسك كل شويه واقف بتقلع الجزمه علشان تنضفها ، ده غير إنك وارد تلاقي تلج ع الجبل كل ما طلعت ف الكوتشي هيبهدلك
_البس بنطلون جينز ماسك و مشدود ع رجلك لأن أي بنطلون تاني مش هتحس معاه إن أعصابك مشدوده وهتلاقي نفسك سايب و يستحسن تلبس طقم تدفئه خفيف تحته
_ ومن فوق تيشيرت ماسك ع جسمك كويس وفوقه طقم التدفئه أو بلوفر و الجاكت وطبعا آيس كاب
_ واخر واهم حاجه خد ترامادول لأنك من غيره مش هتقدر تصمد


انا طلعتها بكشاف صغير بعشرة جنية وجوانتى وايس كاب وبلح تمر كتير بقي وشيكولاتة ولو ضغطتك بيوطي يبقي زيتون بنطلونين و وهدوم تقيلة فوق الجبل بس يفضل طبقاتها خفيفة بس تقيلة فى نفس الوقا خوللى 5 او 6 طبقات .. مية وشورت وبادي كات ومايوة عشان الجو بالنهار حر نار وباليل تلج فلما تروحول تستريحوا لو مش معاك هدوم صيفي هتفطس حرفيا عن تجربة .. الرحلة ممتعة جدا انا متعبتش فيها هى مش صعبة هى ستيشنز وبترتاح استمع بالنجوم واهوا والجمال 😍وابداع الخالق الناس هناك السيناوية طبين اوى خصوصا اللى قاعدين فى ااستراحات ... مضيافيين ومش استغلاليين وبيردوا يقعدوا الناس جوا الاستراحة عادي مش لازم تطلب منهم حاجةكل استراحة ..


إرسال تعليق