قرار جديد من محافظ الشرقية يثير غضب العاملين بالخارج

قرار جديد من محافظ الشرقية يثير غضب العاملين بالخارج
اصدر محافظ الشرقية اللواء خالد سعيد قرر بشأن "بعدم تجديد الإجازات لهم في وظائفهم الحكومية والانتظام في العمل خلال 6 شهور أو تقديم الاستقالة".

وعبر ما يقرب من 20 ألف مغترب من أبناء محافظة الشرقية عن استيائهم بسبب قرار المحافظ الذين وصفوه بالتعنت، موضحين أنهم يقومون بدفع مبالغ كبيرة للتأمينات على هيئة عملة صعبة تدخل خزينة الدولة، مقابل البقاء على ذمة وظيفة الحكومة والعمل بوظيفة أخرى لتحسين دخلهم والارتقاء بحياتهم المعيشية.

وأضاف العاملين بالخارج أنه هذا القرار لم يطبق على أقرانهم في المحافظات الأخرى، مطالبين بالمساواة.


منح مهله 6 شهور للرجوع (بالنسبة للمعار مده أكثر من 4 سنوات )أو يعتبر الموظف مستقيل من وظيفته

ومنح محافظ الشرقية العاملين المعارين بالخارج أو الداخل والتي تجاوزت مدة إعارتهم الـ 4 سنوات، مهلة 6 شهور لانهاء متعلقاتهم طبقا لحكم المحكمة الإدارية العليا في القضية رقم 639 وكذلك توصية مجلس الوزراء بهذا الشأن والعودة والانتظام بالعمل.
وفي حالة عدم حضور أي منهم قبل هذه المدة المحددة يعتبر مستقيل من العمل.




وجاءت تعليقات الزوار على القرار كالتالى :


  • مبحبش أعلق على بوستات.
    بس بما اني مغترب وشفت التعليقات وكم الناس الفرحانه وتقول انه قرار عادل علشان يوفر مكان لغيره فحبيت ارد.
    مبدئيا مفيش مكان هيتوفر لحد لأنه وفقا لتوجهات الدولة وصندوق النقد بخفض العمالة الحكومية من 6 إلى 2 مليون وده شيء معلن فده يع
    ني أن اللي هيمشي مفيش حد هييجي مكانه.
    ثانيا المغترب بيدفع سنويا للدولة مبالغ كبيرة بين تأمينات وصناديق خاصه وتأمين علاجي .
    ثالثا اللي مش فاهم ومش مستوعب الكلام شوفوا تحويلات الأجانب بتدخل سيوله بالعمله الأجنبية كام مليار سنويا وأعتقد ده بيكون رقم مهم محسوب في موازنة الدولة.
    ده بخلاف أن المغترب لا يكلف الدولة شيء ولا يشكل أي عبء عليها وبالعكس لما بننزل إجازة بنصرف فلوس بتنشط السوق في البلد.
    الحاجة الاخير اني باوعدكم أن لو الرقم 20000 فهيرجع منهم 19000 بسبب سوء الأوضاع في الخليج حاليا وبدل ما كنا صابرين لأي سبب خلينا نيجي نزنقها عليكم.
  • الناس بتقول قرار تعسفى وحرام وكلام اهبل 
    ياحاج انت وهو ف اللى مسافر ده مش لازمه الوظيفه علشان رايح ع مرتب اكبر بالتأكيد ف غيره هنا طالع عين اللى خلفوه ف شركات قطاع خاص والبيه بره حاجز وظيفه اى عدل ف الدنيا يقول كده 
    اول مره المحافظ ياخد قرار محترم زى ده
  • اللي عمال يهيص للقرار الخايب ده فاكر إن الناس المسافرة هتترك الوظيفة وحضرتك تاني يوم هتستلم لا ياخويه الخليج خلاص شطب والنَّاس كلها نازلة بالقرار وبدون قرار وهنشاركم في المياه والكهرباء والمواصلات والبلد هتبقى فاضية والدولارات هتملى البلد بنزولنا واللي فاكر انه هيتعاقد تاني يوم نزول العملين بالخارج هيتعاقد مع السعودية أوالكويت أوأي دولة خليجية كل سنة وأنت طيب خلاص شطبوا ومش بعيد ينزلوا معانا مصر ياالللله على العقول اللي بتحكم مصر
  • طيب يا سيادة المحافظ إذا كنت عاوز تجعل هناك استقلالية فى القرارات ..ممكن تستقل بميزانية المحافظة المظلومة والمهمشة طول عمرها دى رغم أن فيها أكبر منطقة صناعية فى الشرق الأوسط .. بالإضافة إلى أنها تجارية وزراعية ...ومع ذلك مفيش فيها مؤسسة نضيفة ولا طريق محترم ولا قيادة حتى يعتمد عليها فى احتواء الناس ومشاكلهم ...انا معاك إذا كان القرار مدروس ويسمح للمغترب بفترة كافية لتحسين حاله المعيشى وبعد كده يتم رفده ..بس السؤال ..هو حضرتك عندك فائض من العملة الصعبة للدرجة دى



إرسال تعليق