كل ما تحتاج معرفته عن دبي قبل السفر

كل ما تحتاج معرفته عن دبي قبل السفر
اول حاجة بالنسبة للمواصلات ارخص و اسهل و اسرع حاجة هيا المترو لان ممكن تقريبا توصل لكل مكان بي بالنسبة لتذكرة المترو يفضل انك تشتري حاجة اسمها NOL Card من اي محطة سعرو بيكون ٢٥ درهم و بينزلك في رصيد بحوالي ٢٣ درهم الكارت دا ممكن تركب بي المترو والباص ... بس خدو بالكم ان minimum علشان تركب المترو او الباص لازم يكون فيه ٧ درهم آقل من كدا مش هينفع تعمل check in .


نيجي بقي للاماكن الي لازم تروحها في دبي :
١- برج خليفة و دبي مول
- المواصلات عن طريق المترو محطة ( برج خليفة )
- ممكن تضي يوم كامل هناك لان المول كبير و بليل بيكون في عرض النافورة الراقصة الي لازم تشوفها و ممكن تتصور هناك ووراك برج خليفة و دا يعتبر اكتر مكان مناسب علشان تتصور مع البرج.
٢- فندق برج العرب
- منطقة جميرا و دا لازم تركب مترو و باص او مترو و تاكسي علشان توصلو
- في شاطى هناك جنبو علي طول مفتوح لل Public ممكن تتصور هناك و تنزل البحر بيكون ال view تحفة مع الفندق
٣- دبي Mircale Garden
- المواصلات بتركب مترو لمحطة الاتحاد وفي باص بيطلع من هناك علي طول لهناك تقريبا كل نص ساعة و تكلفتو ١٠ درهم رايح و ١٠ درهم راجع .
- تذكرة الدخول بحوالي ٥٠ درهم
- دي عبارة عن حديقة مليانة وورد من جميع انحا العالم و معمولة ب Designs مختلفة مكان بجد اكثر من رائع هتحس انك في مكان مختلف و هتكون مش عاوز تمشي و مكان جميل جدا للتصوير و في هناك Desgin لطيارة Airbus A380 مطلية بحوالي ٥٠٠ الف وردة
٤- دبي Butterfly Garden
- المكان جنب Mircale Garden علي طول حوال ٥ دقايق مشي
التذكرة بردو بحوالي ٥٠ درهم فا ممكن تضي اليوم في mircale garden و butterfly garden بس للاسف لازم تدفع تذكرتين لانعم يعتبرو مكانين منفصلين
- عبارة عن مكان مليان انواع مختلفة من Butterfly هتلقهم بيطيرو حواليك ممكن تتصور معاهم و هما واقفين عليك تجربة حلوة وكانت جديدة بالنسبة ليا
٥ - دبي Global Village
- المواصلات بردو ممكن تنزل في محطة مترو الاتحاد و تاخد الباص الي بيروح هناك direct
- المكان بيفتح من الساعة ٤ العصر ممكن تقضي باقي اليوم كله هناك المكان open air في بيفتح في الفترة من شهر ١١ تقريبا لحد شهر ٥ لان بعد كدا الصيف بيكون حر جدا فا بيقفلو
- المكان عبارة عن اسواق من جميع انحاء العالم ( الهند ، مصر ، ايران ، الصين ، تايلند ، ماليزيا ، تركيا ، فرنسا ....) كل بلد هتلاقي مجسمات اهم معالمها و هتلاقي اشهر حاجات بتتباع في البلد دي و اشهر اكلات بجد كل ما تخش مكان هتحس انك سافرت البلد دي والبياعين الي هناك بيكونو من نفس البلد .
- في هناك عروض live ممكن تحضرها بتكون included في سعر التذكرة زي تصوير فيلم صغير و cars drifiting و مطاردات و في live shows للاطفال و مدينة ملاهي للاطفال يعني مكان في كل حاجة تقريبا و تقضي في اليوم كامل .

إرسال تعليق