خطه رحلة يوم واحد إلى الاسكندرية بكل الاماكن والتفاصيل

خطه رحلة يوم واحد إلى الاسكندرية بكل الاماكن والتفاصيل
شوف يا كبير انت بتقول يوم واحد ... هتبدأ بالمنتزة هتدخل تتمشي وتتصور وتعيش حياتك لو عايز تدخل شاطيئ فنيسيا وتقعد شويه قدام البحر تمام ... الموضوع هياخد معاك من ساعتين لتلاته ... وبعد كده هتخرج من البوابه اللي قدام فندق الشيرتون واللي في الغالب هتدخل منه المهم بعد ماتخلص استني الأتوبيس الأحمر ابو دورين هياخد معاك البحر بطوله عايز تنزل محطة الرمل تتمشي شوية وتتغدي تمام عايز تنزل عند القلعة تتصور بردو وتاكل جيلاتي من عزة تمام عايز وانت راجع تتمشي للمنشية اسأل علي العربي بتاع الكبدة وهم يا معلم ... كبدة بلادي ... وخد الكبده وانزل علي قهوة فاروق كل واشربلك قهوة ولو بتشيش عيش ... مش عايز تعمل كل ده ارجع علي محطة الرمل ادخل شارع صفية زغلول هتلقي مطعم اسمه فيروز اظبط حالك بقي او لو عايز تعيش بجد طول قدام شوية علي اليمسن كده مطعم سنتالوتشي بس لازم تكون لابس كلاسيك ياكش تكون داخل الساعة ٧ الصبح هو نظامه كده اتغدي وادخل سينما او العكس اللي يريحك وبعد ماتخلص عندك شارع فؤاد اختم بيه اليوم ....


ممكن الصبح تطلع ع المعموره وتركب عجل وادخل المنتزه اتمشي هناك وروح ناحيه القصر و الجزيره و لعدها تطلع علي محطه الرمل بقه و كبده الفلاح و خروب امال ولو ملكش ف الكبده اطلع علي فيروز و مناقيش وشاورما ولو حابب كافيهات وجو ده ممكن تروح علي شارع فؤاد مليان كافيهات او تروح علي بوتاستا جنب مسرح سيد درويش و بعدها بقه لازم تطلع ع البن البرازيلي وتاخدلك قهوه او نسكافيه ونصيحتي روح بتاع شارع سيزوستريس اللي ف وش سيتي كافيه عشان فيه باند بيعزف بليل اغاني قديمه وحتتبسط جدااا ولو لسه فيك نفس اختمها بأيس كريم م الصعيدي ف بحري وروح شوف القلعه

إرسال تعليق