حجات ضرورية لازم تعرفها قبل السفر

حجات ضرورية لازم تعرفها قبل السفر
‎شوية حجات كدة صغيرة اوي لو اخدنا بلنا منها ممكن تفرق معانا اوي اوي اوي في السفر
‎شوية ملاحظات كدة بسيطة بس مفعولها جامد اوي
‎١-بلاش نكد ، اه بجد والله لو مسافرين صحاب سوا ، متجوزين ، اهل ، صحاب ، بنات و خصوصا صحاب بنات ... بلاش نتوتر من اقل حاجة ، احنا مسافرين عشان نتبسط ، حصل و نزلنا متأخر ، ميعاد الباص فات مثلا ، عادي نستني اللي بعده ، حد نسي حاجة في الاوتيل ، مش لازم نتخانق ، نرجع و نكمل اليوم .. و هكذا ، اهم حاجة ندور علي الاسباب اللي تخلينا نتبسط في السفرية مش نتنكد ... تمام !


‎٢-الصحيان بدري يا جماعة في السفر ده مهم جداااااا ، اه والله !! يعني مش معني ان احنا اجارة ان نيجي ننام في بلد مختلفة لحد الضهر!؟ نصحي بدري نشوف شروق الشمس في البلد و نصور كتير اوي و يبقي اليوم كبير و فيه بركة و نشاطات كتير
‎٣-اتصوروا كتير و في كل حتة ، في المترو و في المواصلات و في البازارات و في المطار و المول و السوبر ماركت و خلوا كل مكان ليه ذكري ، الصور دي الحاجة الوحيدة اللي بيها بنحتفظ بكل الذكريات
‎٤-نخلي دايمآ في فلوس احتياطي بس مش كتير بس مش اكتر لو في اي ظرف او اي حاجة و انتوا برة الاوتيل
‎٥-الباسبور يتساب في الاوتيل ، محدش ابدآ في اي بلد حيوقفك ذي همام كدة و يقولك فين الباسبورت!! لو عايز تريح نفسك اعمل نسخة من الفيزا و الباسبور و خليها في جيبك غير كدة الباسبور في الاوتيل .. انا اتسرق باسبوري في اوروبا!!!
‎٦-اتعرف علي ناس من اهل البلد و شوف حجات جديدة و عادات جديدة و خد خبرة جديدة، بس بلاش تحكم علي حد او تكره عادات حد ، هدف السفر انك تشوف تجارب جديدة و تتعرف علي خبرات جديدة و تعرف ناس جديدة بس اهم شي don’t judge
‎٧-جرب اكل المحلي للبلد و شوف كل بلد الاكلة الاكتر شهرة فيها و جربها
‎٨-نجرب حجات جديدة و نشاطات جديدة علي حسب كل بلد انت فيها ، يعني مثلا ، تسلق جبال ، رحلات بحرية او قفز من السماء
‎٩-حاولوا قبل السفر علي قد متقدروا تكونوا عاملين
برنامج ، عارفين حتزوروا ايه و تروحوا فين و تصرفوا كام ، ده حيساعد ان الرحلة و السفرية تكون ناجحة

إرسال تعليق