صور بحيرة لوخ نس البحيرة الاسكتلنديه الشهيرة Loch Ness Highlands Scotland

صور بحيرة لوخ نس البحيرة الاسكتلنديه الشهيرة Loch Ness Highlands Scotland
صور بحيرة لوخ نس البحيرة الاسكتلنديه الشهيرة Loch Ness Highlands Scotland  
Visiting Loch Ness and the monster nessie - Loch Ness - Highlands - Scotland
كان عندى حلم من احلام الطفولة انى ازور بحيرة لوخ نس.
البحيرة الاسكتلنديه الشهيرة اللى الاساطير من آلاف السنين بتحكى عن وحش عملاق عايش في اعماقها. و دى من اكتر الاساطير اللى عملت ضجه و ليها مدافعين و مؤمنين و باحثين دوروا و عملوا رحلات استكشافيه الخ.

نقول شوية معلومات حقيقيه بقى. بحيرة لوخ نس من اكبر البحيرات العذبه فى العالم وهى الاكبر من حيث كمية المحياه العذبة فى المملكه المتحده بمساحة 56 كم مربع و عمق يصل الى 270 متر.





بحيرة عميقة و كبيرة جدا ودرجة البرودة و قلة الضوء فى اعماقها مرعبه حيب كلام المحليين هناك قلة قليلة اللى جالهم الجرأه يعوموا فيها و مش اكتر من دقائق معدوده خوفا من البروده القاتله والظلمة الحالكة. و من المعلومات الشيقة برضه ان درجة حرارة المياه دايما 5 درجات مئوية فى الصيف و الشتا و البحيرة يستحيل تتعرض للتجمد بسبب كمية المياه الكبيرة جدا فيها.

نتكلم بقي عن الجانب السياحى
اسكتلندا عموما من اجمل البلاد اللى شوفتها في حياتى من حيث جمال الطبيعة و التاريخ و الشعب نفسه و
البحيرة دى فعلا من اجمل البحيرات اللى ممكن حد يشوفها في حياته.زيارة الجزء الجنوبى منها هى الاكثر رواجا fort augustus فيها ميزة و عيب في نفس الوقت كمية السياح اللى بيروحوا ليها كبيره ده بيخلى الخدمات والوصول ليها سهل لكن بيقلل متعة الخلاء مع الطبيعه. اللى حابب يتمتع بالطبيعه والهدوء ممكن يزور المناطق الشماليه.
دايما فى رحلات من المدن القريبه زى ادنبره و جلاسجو فى اسككتلندا ,رحلات اليوم الواحد بالعربيات المجهزه. و اكيد طبعا النزهه فى البحيرة بالقوارب اساسية.

انا شخصيا جربت نزهه يوميه من ادنبره عاصمة اسكتلندا و كانت ممتازه 

إرسال تعليق