من امبارح بليل واتس اب بيزنس بق متاح علي جوجل بلاي ستور و App store بق متاح في مصر والاردن والسعوديه
طيب ايه هو واتساب بزنس واقدر استفاد منه ازاي ؟
البرنامج اتعمل عشان يكون للمؤسسات الصغيره والكبيره او للمطاعم والمحلات ورجال الاعمال ، لو معندكش مؤسسه بلاش تسجل فيه لانه مش هتعرف تعمل بيه حاجه هو زي الابلكيشن العادي بالظبط الفرق بس حاجات صغيره هنذكرها
ايه مميزاته :
1: عمل ملف شخصي تعريفي للمؤسسة بتقدر تضيف فيه موقع محلك او مطعمك مثلا وتقدر تضيف فيه تعريف عن محلك او مطعمك او مؤسستك بشكل عام
2: الرد الالي بيتيح صاحب العمل انه يعمل ردود اليه للمستخدين او للعملاء بتوعه
3: احصايئات للمراسله بيتيح ليك التطبيق انك تعرف عدد الرسايل اللي استقبلتها واللي بعتها
4: تقدر تحدد المواعيد اللي انت بترد فيها
هل ينفع استخدم الاتنين بنفس الرقم ؟
لا مينفعش هتستغني عن واحد فيهم
بس كده لو انت صاحب مكان او مؤسسه او موقع مثلا او مطعم فالموضوع هيفيدك اوي انك تتواصل مع عملائك
رابط تحميله ايفون واندرويد : https://www.whatsapp.com/business/
تعليقات: 0
إرسال تعليق