ازاي تعمل رحله في القاهره ب 14 جنيه

ازاي تعمل رحله في القاهره ب 14 جنيه
ازاي تعمل رحله في القاهره ب 14 جنيه؟
هو المبلغ ده فعلا ممكن يعمل رحله و لا انت بتحاول تعمل بوست فرقعه و خلاص؟!
طيب اقرا البوست ده كويس و جربه بنفسك و احكم في الاخر.
هتركب مترو الانفاق الخط الاول ب 2 جنيه و تنزل محطه ماري جرجس.
هتلاقي في المنطقه ديه 7 كنائس و هم:
الكنيسة المعلقة، وكنيسة القديس أبي سرجة، وكنيسة القديس مارجرجس، وكنيسة القديسة بربارة، وكنيسة القديس أبي سيفين، وكنيسة القديس تادرش الشاطبي، وكنيسة الملاك ميخائيل.
كل كنيسه من دول ليها قصه و تاريخ و طبعا اهمهم الكنيسه المعلقه.
طيب انا كواحد معرفش في التاريخ بس حابب اعرف عنهم هعمل ايه؟
في كل كنيسه و خصوصا المعلقه هتلاقي شباب متطوع من الكنيسه بيقولك تعالي اشرحلك تاريخ الكنيسه.








-طيب هل الاماكن ديه ليها تيكت او بدي فلوس لمتطوع ده؟
لا خالص من غير تيكت و المتطوعين بيرفضوا ياخدوا منك فلوس و بيعتبروا ان ده شرف ليهم ان يعرفوا الناس تاريخ الكنيسه.
-المتحف القبطي
جنب الكنيسه المعلقه هتلاقي المتحف القبطي و سعر التذكره ب 10 جنيه لمصريين.
هتلاقي كل حاجه خاصه بالتاريخ القبطي من القديم الي الحديث.
-هتزور هناك المعبد اليهودي و ديه برده مجانا و هتلاقي راجل هناك ممكن تخليه يشرحلك المعبد ده مجانا.
- مسجد عمرو بن العاص
ادخل المسجد ده و اتفرج علي طراز المساجد بتاعه زمان و طبعا مينفعش تدخل بشورت او ملابس ضيقه و هناك في زي اسدال بتاجره من المسجد و بترجعه و انت خارج.
كده انت عملت رحله ب 12 جنيه و زوذ عليهم 2 جنيه تذكره المترو رجوع و يبقي كده كله 14 جنيه بالظبط.

إرسال تعليق