متحف القوات الجوية العنوان والمواعيد والأسعار بالصور Air Force Museum

متحف القوات الجوية العنوان والمواعيد والأسعار بالصور Air Force Museum
العنوان : صلاح سالم قاعدة الماظة الجوية
امام الكلية الحربية
تحديداً جنب مجمع الجلاء الطبي
هي تجربة جديده هناك هتلاقي كافيتريا
و منطقة العاب اطفال كبيرة وجميلة
هتتفرج هناك على طائرات قتال حقيقي بارقامها المسلسلة.
مترتبين علي حسب الادوار والتاريخ.
طائرات اكتوبر لسه محتفظه بالتمويه الصحراوي
بتاع الحرب
بعدهم الهليكوبترات العاملة
في القوات الجوية المصرية بانواعها. 


وبعدين الطرازات الحديثة زي الاف 16 و الفانتوم.
وفي قلب ساحة العرض قاذفة استراتيجية تقيلة
من نوع تي يو 16
دى الجولة الخارجية بعد كدة ندخل على الى قاعة كبار الزوار
وهي مفتوحة للجمهور
وبتعرض افلام 3D عن حرب اكتوبر.
بيكون دايماً معاك مرشد او مرشدة فى كل مكان
مع شرح تطور تاريخ الطيران الحربي عموما
والمصري تحديدا طبعا.
بعد كدة حتدخل على جولة بمحاكي الطيران
لمعالم مصر السياحية وده طبعا
غاية في الجمال والروعة
وممكن تركب محاكي طيران الاف 16
وده محاكي بجد بيتدرب عليه طلبة الكلية الجوية
وبتطير كانك طاير فعلا بالاف 16
وتلف حولين نفسك 360 درجة كاملة.
الجولة بتاخد حوالي 4 ساعات.
مواعيد العمل :
ـــــــــــــــــــــــــ
من الساعة 10:00 صباحاً حتى الساعة 4 مساءاً
طوال أيام الأسبوع عدا يوم الثلاثاء اجازة من كل اسبوع
مواعيد حفلات العرض :
ـــــــــــــــــــــــــــــــــــــــ
حفلة الساعة 10:30 صباحاً
حفلة الساعة 12:00 ظهرا
حفلة الساعة 1:30 ظهرا
مرافقة الزوار بمرشدين من شباب مصر
اسعار التذاكر مع الصور
ـــــــــــــــــــــــــــــ
و فى قاعة 9D. /
وقاعة محاكي الطائرة F -16
اسعار التذاكر بها منفردة
واختياري وليس داخل العرض
لغات العرض المتحفى :
ـــــــــــــــــــــــــــــــــــ
العربية - الإنجليزية - الفرنسية
*** أسر الشهداء مجاناً ***
*** ذى الإحتياجات الخاصة مجاناً ***
*** مصابى العمليات الحربية مجاناً ***
*** الأطفال أقل من 10 سنوات مجاناً ***

إرسال تعليق