موعد عرض فيلم Black Panther فى سينما Dbox اللى فى سيتى ستارز

موعد عرض فيلم Black Panther فى سينما Dbox اللى فى سيتى ستارز
زى ما عودناكم كل لما ينزل فيلم عامل ضجة فى أمريكا نروح ونشوفة ونرشحلكم تشوفوه فين الفيلم واخد تقييم عالى جدا على IMDB وكمان متصدر التريند على تويتر
أنهاردة مع الفيلم اللى لازم تشوفوا على الكراسى المتحركة اللى فى سينما Dbox اللى فى سيتى ستارز وهو فيلم Black Panther
ليه بقى أولا الفيلم جامد جدا لأن مارفيل عملوا الشخصية الجديدة دى فى فيلم قبل كدة وعجبت الناس فقرروا يعملوها فى فيلم منفصل كمان .
** مفيش ملل من الفيلم خالص لان هزة الكراسى أصلا لوحدها حوار كبير ( دة فى حتة فيها ضرب وأكشن كتير هترفهد من كتر الهز كأنك أنت اللى بتتضرب فيها  ) دة غير طبعا أن الفيلم بالنضارة ال 3D هيبعتك فى حتة تانية خالص





الدي بوكس بقى دى ايه دى تعتبر من هي احدث تقنيات السينما فى العالم للعرض السينمائي بتعتمد على الجودة العالية للصورة والصوت( الشاشة أكبر من كل السينمات العادية اللى موجودة فى مصر ) ، وكمان حركة الكرسى اللى بتبقى موجودة وانت بتتفرج ع الفيلم هتوصل بيها لقمة الإندماج لانك هتحس بنفس اللي بيحس بها أبطال الفيلم من ضرب او جرى أو طيران ..
حفلات 10 صباحاً و 1 ظهراً و4 عصرا : 50 جنيه للكراسي الثابتة - 75 للكراسي المجسم
حفلات - 6 - 9 - 12 : 75 للكراسي الثابتة - 125 جنيه للكراسي المجسمه
السعر غير شامل النظارة سعرها 20 جنيه
بس نصيحة لو ملقتش حجز فى الكراسى المتحركة متحجزش فى الثابت لأ بقى أنزل ع السينما الVIP اللى هى فيها القعدة مرحرحة و وبتفرد الكرسى وتمدد رجلك يعنى بمعنى أدق بتأنتخ وأنت قاعد بتتفرج على الفيلم وماسك الفيشار 
حاولوا تنجزوا وتروحوا علطول لان الافلام الفترة دى جامدة أوى اوى وفى حاجات نازلة قريب جامدة أوى

إرسال تعليق