ازاي تبدأ في مجال الديجيتال ماركتينج من الألف إلى الياء

ازاي تبدأ في مجال الديجيتال ماركتينج من الألف إلى الياء
ن من مجالات الفري لانسر اللي تقدر تتقنها ويجيلك منها باب رزق وأنت قاعد في بيتك هو مجال الديجيتال ماركتينج والمجال دا يندرج تحت منه فروع كتير صعب تتخصص في كله لكن المطلوب منك تتدرس وتتقن فرع وتشتغل بيه أو بمعظمهم 😌
المشاكل اللي هتقابلك هي إنك مش عارف تبدأ منين وأعمل أيه ودا اللي هوضحه في البوست دا 
أول حاجة أعرف إن الديجيتال ماركتينج مش بس ماركتينج على النت , كل ما عملية تسويق تستخدم عبر أجهزة او ألة يسمى ديجيتال ماركتينج لكن التعريف محصور في التسويق الإلكتروني 

1) أول خطوة علشان تبدأ في الديجيتال ماركتينج هي إنك تتعلم ماركتينج كعلم زي الرياضة والإنجليزي والمحاسبة والإقتصاد .. الخ طيب أيه العملي ؟
العملي إني وضعتلك 3 كتب تقرأهم كأول خطوة في تعليم التسويق وتقرأهم بالترتيب وهم :
وتاني كتاب لنفس الكتاب وهو عن التسويق :-
https://drive.google.com/…/0B6vSBHLAhweqMWZIbnFOd2FhbkU/view
وتالت كتاب اسمه التسويق للجميع
http://www.dawahmemo.com/…/2012-09-14-01_08_57000000marketi…
دوووول تخلصهم قراءة بالترتيب علشان تفهم يعني أيه علم تسويق ومعناه أيه وأساسياته ومفيش أي مانع لو قرأت الكتاب أكتر من مرة
2) بعد ما عرفت علم التسويق هتبدأ في فرع مهم ابدأ منه لأنه هيفتحلك أبواب الفروع التانية وهو فرع السوشيال ميديا 
- العملي في السوشيال ميديا سواء فيس أو تويتر أو أي موقع من المواقع دي هي جانب الإعلانات دي أكتر نقطة مهمة ولازم فعلا تشتغلها بإيدك لأنك لو جيت مثلا على موضوع كتابة المحتوى ممكن تقلد من أي منافس لكن مش هتعرف تقلد الإعلانات  طيب أيه العملي هنا
العملي هنا إنك هتروح بنك المصرف المتحد تطلع بطاقة انترنت بعشرة جنيه هتاخدها بعد أسبوع تقريبا من البنك
بعدين هتعمل صفحة  صفحة أيه بس دا أنا بتعلم 
أهم نقطة هنا إنك هتتعلم في نفسك لأنك مش هتلاقي تدريب يعلمك 
هتعمل صفحة هاتلها لوجو احترافي من النت وكوفر احترافي من النت وسميها أي اسم لكن أنصحك تكون حاجة اجتماعية علشان الكلام اللي جاي
هتعمل البيدج دي وليكن " الطريق إلى الله " هتنشر عليها بوستات دينية الغرض منها إنك تتعلم فيها الإعلانات الممولة ودي أهم نقطة إنك تتعلم في صفحة من إنشاءك ازاي تعمل فيها إعلانات , يعني هتوفر لنفسك فرصة تدريب بالنسبة للإعلانات
طيب ازاي بقا اعمل إعلان ممول على الصفحة دي
هنا الجروب عمل كورس كويس جدا ومحتواه حلو هتبدأ تعمل إعلان ممول مرة واتنين وتلاتة لبوستات دينية مثلا على الصفحة بمبالغ بسيطة وهتشتغل بالفيزا
الكويس هنا إنك هتبدأ كل حاجة بنفسك هتغلط وهتتعلم , هيقف قدامك حاجات هتسأل فيها العملية دي هي التدريب بعينه ومنها بعد كدا هيكون عندك حملات عملتها بالفعل هتعمل اسكرين ليها وتوريها لأي حد عايز يعمل إعلان ممول لصفحته مثلا وتبدأ تشتغل حاجة كدا زي أعمال سابقة 
ودا لينك الكورس الخاص بالجروب دا على اليوتيوب
https://www.youtube.com/watch?v=HU4-jpJwZOM
محاضرتين كاملين اسمعهم وطبق على طول , يعني متسمعهمش إلا لما تستلم الفيزا وتعمل البيدج وتكون جاهزة وعليها بوستات ومتنساش دا تدريبك , درب نفسك بنفسك
3) الخطوتين دول أهم خطوتين لو عملتهم أعرف إنك في السليم , الخطوة التالتة إنك تتابع الناس الكويسة في المجال دا ومتابعش بوستاتهم وخلاص لأن محدش بيتعلم من بوستات , تابعهم واسأل وابعتلهم رسايل , واعمل كومنت وقول ليهم ممكن انبوكس عندي سؤال ممكن اجابة
ابدأ اعمل اسكرين للسؤال في الإعلانات مثلا , ليه الإعلان دا لسه قيد المراجعة وليه متوافقش عليه , طيب الصورة دي مرفوضة ليه بيقولي النص كبير يعني أيه
وابدأ اعمل اسكرين شوت لمصطلحات من الكتب التلاتة دي وانشرها ع الجروب واسأل يعني أيه المصطلح دا ومكانه فين في التسويق وأيه الفرق بينه وبين مصطلح كذا ومتتكسف اسألأ وكن لحوح وغلس علشان تتعلم
• بعد ما تعمل الخطوتين اللي هم قراءة الكتب وإتقان الإعلانات ابدأ سوق لنفسك وقول للناس أنا بعمل إعلانات مين عايزيني اعمله بكدا أنت عندك علم نظري كويس وعملي في الإعلانات
بعد ما تتقن الإعلانات على الفيس وانستجرام لأنهم مرتبطين ببعض ابدأ اسأل عن اعمل إعلان ازاي على تويتر طيب على سناب شات 🤔
هي دي البداية العملية اتعلم العلم ثم ابدأ بأهم حاجة ف العملي وهي الإعلانات بعد كدا المركب هتسير وهتتعلم واحدة واحدة 
- اعمل منشن لصديق وخليه يبدأ والبوست كمان بالمرة يظهر للجميع  جزاكم الله خيرا

إرسال تعليق