وظائف Digital Marketing مع شركات داخل وخارج مصر

وظائف Digital Marketing مع شركات داخل وخارج مصر
عايز تشتغل فى مجال ال Digital Marketing مع شركات جوه مصر او بره مصر ؟؟
يبقى خليك مع البوست ده للاخر 
1- Google
بمنتهى البساطه اعمل سيرش على جوجل بالوظيفه اللى عايز تشتغلها زى مثلا ( مطلوب موظف سوشيال ميديا ) واذا عايز تجيب شغل من بره مصر تقدر برضه تستغل جوجل بانك تعمل سيرش بالوظيفه اللى عايز تشتغلها واسم البلد وهتلاقى نتايج كويسه جدا 
2 - Linkedin
من اقوى مصادر وظائف الـ Digital Marketing بس الاول لازم تظبط البروفايل بتاعك كويس جدااااااااااا وتكتب فيه كل المعلومات الخاصه بيك واهم حاجه هو الـ tittle اللى بيكون تحت اسمك تكون كاتب فيه التخصص بتاعك
الوظايف على Linkedin بتيجى بطريقتين
الاولى ان الناس اللى عايزين موظفين بيعملوا سيرش فبيطلعلهم اكونتات وبيختاروا منها ( ومن اهم عوامل ظهور الاكونت بتاعك فى نتائج البحث بتاعت linkedin هو انك كاتب التخصص بتاعك فى الـ tittle تحت اسمك )
الطريقه التانيه : انك انت اللى تعمل سيرش جوه الموقع بالوظيفه اللى عايز تشتغلها وتقدر تختار تكون من انى بلد كمان سواء جوه مصر او بره مصر
3 - مواقع التوظيف
ودى زى بيت ووظف وتنقيب ومواقع كتير .. تقدر تدخل تعمل سيرش على الناس اللى طالبه موظفيين ولازم تكون عامل بروفايل قوى برضه ( نفس فكرة linkedin )




4 - مواقع الاعلانات المبوبه او المجانيه
زى اوليكس ومصراوى وبيزات .. ودى تقدر تعمل فيها اعلانات عن انك مثلا شغال سوشيال ميديا او تدور على الناس اللى عامليين اعلانات وعايزين موظفيين
من مميزات مواقع الاعلانات المجانيه ان نتايج منها كتير بتطلع فى السيرش بتاع جوجل
5- وجودك على السوشيال ميديا او الانترنت عامة
خليك حريص انك تكون بتتكلم دايما عن تخصصك وبتقدم معلومات كويسه ومفيده وتقدم المساعده للناس لوجه الله - تعالى - هتلاقى الناس بتثق فيك جدا وبيطلبوا منك تمسك الشغل بتاعهم - ايا كان تخصصك ايه -
دى كانت اهم الطرق لان الناس تجيب شغل واذا حد عنده طريقه تانيه ياريت يفيدنا بيها ويحطها فى كومنت 

إرسال تعليق