شرح بالصور Facebook Market Place بالتفصيل

شرح بالصور Facebook Market Place بالتفصيل
كل الناس اللى بتبيع اونلاين يركزوا جدااااااااااا فى البوست ده للاخر عشان فيه شرح لخدمه فى الفيسبوك قويه جدا جدا جداااااااااا وازاى تستخدموها وتستفادوا منها ان شاء الله 
الفيسبوك رجع خدمه اسمها Facebook Market Place ودى اى حد على الفيسبوك يقدر يعرض اى منتج او خدمه ليه للبيع من خلال خاصية الـ Market Place واللى حابب يشترى او يستفاد منها يدخل يتواصل مع صاحب المنتج او الخدمه 
مبدئيا كده وقبل ما اشرح الخاصيه دى بالتفصيل عايز اقولكوا ان الـ Market Place كان موجود من كذا سنه على الفيسبوك - يعنى دى مش حاجه جديده على فكره - 
نيجى بقى لشرح الـ Market Place 
اولا : تقدروا تتابعوه من الكمبيوتر او ابلكيشن الموبايل واى حد يقدر يستخدم الـ Market Place ويعرض اى حاجه من ضمن - الفئات الموجوده - للبيع يعنى مالوش شروط واى اكونت ع الفيس - لغاية اللحظه - يقدر يبيع او يشترى من خلاله 
اول ما بتفتحوا الابلكيشن بتاع الفيسبوك هتلاقوا علامة الـ Market Place بتظهر فوق مابين ايكون طلبات الاصدقاء والنوتفكيشنز فى صوره 1
لما تدوسوا على الايكون بتاعت الـ Market Place هتلاقوا الخدمه ظاهره بالشكل اللى فى صوره 1 وده عباره عن الحاجات الاساسيه دى التصنيفات الاساسيه للمنتجات والجزء الخاص بان اى حد يقدر يضيف منتجه وتحته هتلاقوا الفلاتر للعرض على حسب المكان والفئه والسعر وفى النهايه صور للحاجات المعروضه 








 





طيب ايه اهم الحاجات الموجوده فى الـ Market Place ؟
1 - هتلاقوا حاجه اسمها ( العناصر ) لما بتدوسوا عليها بيجبلكوا المنتجات اللى بعتوها او اشترتوها او عملتولها متابعه 
2 - فيه كمان حاجه اسمها ( المتاجر ) ودى بيعرض من خلالها المنتجات والخدمات اللى فى موجوده فى تابات الخدمات والمنتجات اللى فى الصفحات ودى حاجه موجوده من فتره كبيره ان الصفحات تقدر تعمل جواها متجر تعرض فيه منتجات للبيع بالصور والوصف والاسعار .. فالـ الـ Market Place بيعرض ده تلقائى عنده ودى حاجه قويه جدا جدا فى الصوره رقم 3
طب ازاى نعمل المتجر فى الصفحه .. شارح الطريقه فى محاضرة تحديثات الفيسبوك من كورس السوشيال ميديا اونلاين 
* تقدروا تستعرضوا المنتجات بناءا عن الموقع ( المنطقه ) اللى عايزين تشتروا منها زى الصوره رقم 4 كده وهتلاقوا انكوا تحددوا النطاق بتاع عرض المنتجات فى المنطقه مابين 1 كيلو ولغاية 200 كيلو 
* لما هتيجوا تعرضوا منتاجات للبيع على الـ الـ Market Place هتلاقوا ان المنتجات متصنفه للتصنيفات الاساسيه اللى فى الصوره رقم 5 وتقدروا تختاروا الفئه او التصنيف للحاجه اللى عايزين تبيعوها ومنها زى ما هو فى الصوره رقم 6
* لما تختاروا التصنيف المناسب للمنتج او الخدمه بتاعتكوا هتلاقوا البيانات المطلوبه زى مانتوا شايفين فى صوره رقم 7 اول حاجه بتضيف الصوره او مجموعة صور وتكتبوا البيانات بتاعتكوا كويس جدا وبمنتهى الدقه 
* لما تعرض المنتج بتاعك هتلاقى الناس تقدر تتواصل معاك عن طريق الرسايل او يدوسوا على مهتم او يعملوا شير للمنتج بتاعك زى ما هو موجود فى صور8
طيب تقدروا تستغلوا الـ الـ Market Place ازاى ؟ 
اولا خلى الصوره بتاعت المنتج اللى بتعرضه جذابه جدا جدا وبتعبر عن المنتج 
ثانيا : اختار منطقة عرض الخدمه بشكل دقيق وانت بتكتب بيانات المنتج بتاعك 
ثالثا : متكتبش معلومات وهميه او عشان تجذب الناس ليك تحط اسعار وهميه .. هتخسر كتير 
رابعا : الردود السريعه على الناس اللى هتبعتلك على الماسنجر عشان التأخير فى الرد هيخلى العميل يدور على غيرك 
خامسا : اذا حبيت تسوق لمنتجك فى اكتر من مكان اعمل كذا بوست على الـ الـ Market Place واختار فى كل مره مكان مختلف 
سادسا : مع الوقت ونظرا لاعداد المستخدمين الرهيبه على الفيسبوك الـ Market Place هيضرب مواقع الاعلانات المجانيه فى مقتل - اذا فضل العرض والطلب جوه الفيس بدون مقابل -
سابعا : الناس اللى هتستغل الـ Market Place فى اوله صح جدا هما اكتر ناس هتقدر تستفاد لانها هتكون بنت ثقه كبيره مع ناس كتيييييييييييييير جدا بس اهم حاجه المصداقيه 
ثامنا : الـ Market Place يقدر يرفع مبيعاتك لسابع سما او يخسف بيها لسابع ارض بس بناء عن سلوكك وطريقة عرضك للمنتج ومدى مصداقيتك 
يارب يكون الشرح وضحلكوا ايه هو الـ Market Place واى سؤال انا معاكوا ان شاء الله
  1. عندي مشكلة في الماركت بلاش
    بطلب إرسال طلب التفاصيل تطلع رسالة لم يتم إرسال الرسالة ومش عارف إيه السبب

    ردحذف
  2. محمد21:26

    انا لسه منزل الفيس ومش ظاهر عندي اعمل ايه
    شكرآ

    ردحذف
  3. انا لسه منزلاه من فتره ومش ظاهر فوق عندي وليه دلوقت كان الاول لما تنشر حاجه علي الماركت كنت ممكن تطلعها من تحت لفوق دلوقت لا

    ردحذف
  4. انا لسه عامله اكونت عالفيس ومش ظاهر لى علامه الماركت بلاس اعمل ايه

    ردحذف