كل ما تحتاج معرفته عن تركيا لو أول مره تسافر تركيا

كل ما تحتاج معرفته عن تركيا لو أول مره تسافر تركيا
مسيبتش حاجه نفسي اعملها معملتهاش او حاجه نفسي اجربها مجربتهاش ..
- ١٠٠ دولار الفيزا وتامين السفر
- التصريح الامني ببلاش
- الطيران : ٥٢٠٠ ( كنت حاجزه قبل السفر باسبوعين بس)
-
- الهوستيل : ١٢٠٠ ج ٧ ليالي ومكانه كان عظيم
- رحله بورصا : ١٠٠ ليرة كانت مع شركه سياحه وشامله الاكل والمواصلات والتلفريك
- المواصلات : شحنت الكارت ب ١٠٠ ليرة كفاني ٨ ايام ومكنتش ببطل ركوب مترو وعبارات 😁
- الاكل : كلت ف اماكن كتير جداااا منها غالي ومنها رخيص والاكل بيبدأ من ٧ ليرة لحد ما تحب تدلع كرشك 😅
واشربوا Ayran كتيييييييييير 😍
- في ابلكيشان لطيف جدا اسمه ترافي للطرق وعشان تعرف تروح منين لفين وتركب ايه والطريق هياخد قد ايه وقت ( صورته موجوده مع الصور ))
- في كارت كدا اشتريته كان ب ١٢٠ ليرة وانا داخله ايا صوفيا الكارت دا تقدر تستخدمه ف دخول ٥ اماكن منهم ايا صوفيا قصر توب كابي ومتحف الموزايك ومكانين تانيين مش فكراهم بصراحه لاني مدخلتهمش


- جزيره الاميرات : ١٥ ليرة عباره ١٠ ليرة اجرت عجله لفيت بيها وممكن تأجر حنطور ، ١٠ ليرة طبق توت 😍 ( اعظم مكان روحته ف تركيا )
- المساجد دخولها من غير رسوم مفيش مسجد تقريبا ف اسطنبول مروحتوش (( واقدر اقر واعترف ان احنا عندنا ف مصر حاجات احسن منها كتييييير جدااا وفعلا مش مجرد كلام )) 😉
- في تلفريك ف منطقه مسجد السلطان ايوب حلو جدااا وب ٢.٦٠ ليرة بس
- جراند بازار لطيف جدا يا جماعه فعلا فيه اي وكل حاجه براندات فريست كابي وحرفيا متتفرقش عن الاورجينال بس لازم تفاصلوا كتير جدااااا جداااااااا
- في شارع كله محالات فيها حاجات صناعه تركيه واسعاها رخيصه ( هو اه شويه شعبي عن باقي تركيا بس فيه حاجات تحفه جداااااا واسعارفها عظيمه) اسمه Fahri Korutürk Cd., Zeytinlik Mahallesi, Bakırköy/İstanbul بتركبوا دولمش Bakırköy ب ٥ ليرة وبتنزل ف الاخر تلاقي نفسك ف موقف اتوبيسات كدا تمشي شمال الشارع دا من اوله لاخره محلات لبس بيت وخروج وشنط وشوزات واكل وشرب ومحلات موبايلات واكسيسوريز 💪🏼👗💅🏻
- متحف الشمع عظيم جدا يا جماعه اي نعم مش برفيكت زي بتاع لندن بس تحربه حلوه التكت ب ٥٥ ليرة تقريبا انا دخلته ف يوم المرأه العالمي كانت التكت عليها خصم ٥٠٪؜ 😁
- في ملاهي لطيفه اسمها فيالاند التكت بتاعتها ب ٥٥ ليرة 🎡🎠
- روحوا جالاتا تور و اقعدوا فى المطاعم اللى تحت كوبرى جالاتا
- في عباره بتتحرك من كاباتاش بتعدي البر التاني وترجع تاني العباره دي تقريبا ب ٢،٦٠ ليرة للذهاب وزيهم للعوده وبتشوف البوسفور وبتقعد ف البحر فتره حلوة 🌊
- الجانب الاسيوي يا جماعه عظيم جداااااا روحوا اتمشوا فيه اتفرجوا علي الشوارع هاتوا جبنه شوفوا المحلات والشجر وارجعوا تاني
- حافظ مصطفي يا جماعه وما ادراك ما حلاوه قهوه وحلويات حافظ مصطفي (( مفيش كلام هيكفي ف وصفه ))😍
- الشوبينج عظيم ورخيص والحاجات ف البراندات ارخص من مصر التلت تقريبا وفي حاجات ارخص النص وفي حاجات مش موجوده اصلا ف مصر 😂 بس تمسكوا اديكوا عشان الموضوع خطير جدا (( اللهم بلغت ))
- اي حاجه تشتروها فاتورتها تكون اكتر من ٢٠٠ ليرة تقدروا تاخدوا Tax free من المطار ليها بس لازم اللي ف المحل اللي بتشتري منه ياخد جواز السفر ويسجل البيانات ويديكوا ورقه بتروحوا بيها للديسك بتاع ال tax free في المطار .. بتروحوا الديسك دا بعد ما تعملوا بوردينج عشان متقفوش ف الطابور ع الفاضي (( في صوره فيها الخطوات ))
في طبعا اماكن تانيه كتير روحتها .. بس هي عمتا اماكن مشهوره ناس كتير منزلنها ف بوستات كتير ع الجروب .. نصيحه سافرو تركيا ف الخريف ف الربيع بلاش الشتا
تركيا فيها اماكن احلي كتيييييير من اسطنبول بس اغلبها افضل ف الخريف والربيع
السفر مش محتاج فلوس كتير خالص يا جماعه مش لازم نسافر بلاد غاليه ومش لازم نسافر بلاد فرق بين عملتهم وعملتنا كبير .. نبدأ باللي ع قد ادينا دلوقتي وهيجي يوم وهنسافر كل حته ف العالم ان شاء الله .. دمتم مسافرين 

إرسال تعليق